نكت جميله جديده واضحك وفرش معانا

فيل ضخم كل يوم يمر على مملكة النمل يهدها، النمل اتفق عليه

قالوا : حنستخبى له فوق الشجر و أول ما يعدى نقفز عليه و نقرصه لحد ما نقضى عليه

المهم الفيل مر راح النمل قفز عليه الفيل حس بيهم راح خابط زلومته شمال وقع نصهم

و راح خابط يمين وقع النص التانى و مفضلش غير نمله واحده

فكل النمل واقف تحت يهتف لها اخنقه يا فوزى
ـــــــــــــــــــــــــــــــــ


واحد بلدياتنا دخل الجيش بيسأل زميله إنت من دشنا

فقاله : لأ رد بلدياتنا : يبجى إنت من ديش العدو

و راح طاخه عيارين

ـــــــــــــــــــــــــ

واحد ومراته متخانقين فبطلوا يكلموا بعض فكتب ورقة صحيني الساعه 6:30 علشان عندي شغل

وحط الورق على السرير ونام صحي الساعة 10:00

فلقى ورقه مكتوب عليها الساعه 6:30 يلا إصحى

ــــــــــــــــ

بلدياتنا نجح في انتخابات مجلس الشعب

ففي اول جلسة قاعد جنب واحد افندى فالأفندى عزم عليه بسيجارة مارلبورو

وبعد شويه بيسالوا إيه رأيك في الديمقراطية ياحاج؟؟..

فرد الحاج : والله أحسن من الكيلوبترا !!

ـــــــــــــــــــ

زرافة و فيل وأسد وفأر وثعلب وارنب ماشيين في الغابة

وقعوا كلهم في حفرة إلا الزرافة

قالولها : جيبي لنا حبل. قالتلهم : ما فيش

قالولها : إحنا جعانين عايزين ناكل

قالتلهم : ماعرفش أجيب لكم أكل

قالولها : والعمل ؟ قالت لهم : كلوا أضعفكم

قام الفأر نط مفزوع وقال لهم : اللي حيقرب من الأسد حيعرف شغله

ـــــــــــــــــــــــــــــــــ

واحد أحول راح يجيب أبوه من المطار باس الشنطة وشال أبوه


ـــــــــــــــــــــــــــ
مرة 10 اغبياء بيلعبوا على الطريق الصحراوى

واللي تخبطه العربية مرتين يطلع برة اللعبة

ـــــــــــــــــــــــــــــــــــ

تايه بيسأل واحد ماشى فى الشارع اية اسرع طريق اروح بيه للمستشفى ؟؟

قاله غمض عينك وعدى الشارع

ارجو الردود السريعه لكم

هههههههههههههههههههههه جميله جدا